معايير تشكيل الجمعية التأسيسية للدستور

وافق المجتمعون على أن يتم تشكيل الجمعية التأسيسية المنوط بها وضع الدستور كالتالي :
أولا : 15 عضواً من فقهاء القانون والهيئات القضائية ،
ثانيا : 9 من المؤسسات الدينية
ثالثا : 6 أعضاء من الاتحادات النوعية
رابعا : 3 من السلطة التنفيذية
خامسا : 7 أعضاء من النقابات المهنية
سادساً : 39 عضوا يمثلون عشرة أحزاب سياسية
سابعا : 21 عضوا من الشخصيات العامة
على أن يراعى تحقيق نسبة تمثيل للمرأة والشباب والأقباط في التشكيل الكامل للجمعية التأسيسية.
كما وافق المجتمعون على إعلاء قيمة التوافق عند مناقشة مواد الدستور، فإذا لم يحدث توافق على بعض المواد يكون التصويت بنسبة 67% من الأعضاء وإذا لم تتوفر هذه النسبة يتم اتخاذ القرار بسنبة 57% بعد 48 ساعة .
كما اتفق المجتمعون على أن يراعى التوازن الكامل والعدالة في تمثيل القوى والتيارات المختلفة في الجمعية التأسيسية حتى لا ينفرد أي تيار سياسي بالقرار داخل الجمعية، وعلي أن يتواصل الحوار حول كيفية تحقيق هذا التوازن في تشكيل الجمعية قبل اجراء جولة الاعادة في الانتخابات .

الحضور : الحرية والعدالة ، النور ، الوفد ، الوسط ، البناء والتنمية ، غد الثورة ، الحضارة

مكملين للى مش فاهمين

من سنة فاتت يوم 25 يناير "مصريين" نزلوا يتظاهروا و كانت مطالبهم عيش حرية عدالة اجتماعية " الكل  ..الشعب يعنى كانوا فاكرين انها مظاهرة و هتخلص و خلاص بس المظاهرات اتحولت لثورة بتنادى ب "اسقاط النظام "  و مشى مبارك و رموز نظامه و جه المجلس العسكرى اللى القائد بتاعه المشير "طنطاوى" قائد الجيش يعنى ,,,يعنى الحمد لله هيقفوا معانا و مع الثورة مطالبنا تتحقق بس .... واضح ان مبارك تأثيره كان اكبر و قدر يوصل للجيش و افسدهم زى ما فسد كل حاجة كدة "ربنا ياخده" المهم بدأ يبقى فى مظاهرات ضد المجلس العسكرى و بتنادى باسقاط المشير ..طبعا الاسطوانة بدأت "انتوا بتنزلوا مش كفاية حرام عليكوا خربتوا البلد " 

لية بننزل ؟؟ و لية بنطالب باسقاط حكم العسكر ؟؟ و لية احنا ضد المجلس العسكرى ؟؟ انا اقولكوا ....!! 1-البطء فى التحفظ على مبارك واسرته واموالهم قبل تهريبها كلها لفى دول برة
2-البطء في القبض على رموز فساد مبارك والسماح للعديد منهم بالهرب خارج مصر بأموالهم 
3-التباطؤ في محاكمة قتلة شهداء الثورة و محاكمة المدنيين عسكريا
4-استمرار رموز الفساد من المحافظين ومسؤولي الشركات والهيئات و الوزراء في مناصبهم ليستمر نظام مبارك الفاسد في الحكم ونهب اموال المصريين.
5- عدم تخديد حد ادني و اقصي للاجور وظهور المظاهرات الفئوية حتى الشرطة عملوا مظاهرات عشان الفلوس
6-اصدار قوانين قمعيه مثل حظر وتجريم الاعتصامات ثم تفعيل قانون الطواريء
7- استمرار تصدير الغاز المصري الى اسرائيل بأسعار تافهه رغم عمليات التخريب التي وقعت في انابيب الغاز
8-عدم مواجهة اسرائيل بقوة وحزم بعد مقتل ستة من الجنود المصريين على الحدود رغم مطالبة الشعب المصري بطرد السفير على اقل تقدير
9-استخداد سياسة قمعية وارهابية مع الاعلام الحر باغلاق الجزيرة مباشر مصر ثم وضع رقيب على الصحافة ثم تهديد عدد من القنوات بالغلق و منع الاعلامي يسري فودة و الاعلامية دينا عبد الرحمن
10-استمرار سياسة التليفزيون المصري في تشويه الثورة والثوار ومسلسل التخوين والتمويل و المحاولة في بث الفتنه بين جموع الشعب المصري في احداث ماسبيرو و محاولة نقسيم الشعب المصري بالدعوة لمظاهرات العباسية
11-اتخاذ العديد من الاجراءات ثم العدول عنها نتيجة التأكد من خطأهم في اقرارها او لجس النبض لاجهاض الثورة
12-عدم الوفاء بالوعد بنقل السلطة الى حكومة مدنية منتخبة خلال ستة أشهر ورفض اعلان جدول زمني واضح للانتخابات الرئاسية واستمرار محولات اطالة الفترة الانتقالية الا بعض الضغط المستمر
13-الرفض الدائم لاعادة محاكمة المدنيين الذين حكم عليهم من خلال القضاء العسكري امام القاضي المدني و استمرار المحاكمات
14- التدخل  في تشكيل الحكومة وعدم منحها اي صلاحيات حقيقية لتحقيق اهداف الثورة والابقاء على عدد من وزراء النظام السابق حتى الان تحت مسمى حكومة ثورية
15-الاستمرار في عسكرة الدولة بتعيين اللواءات في كل المناصب واهمها حركة المحافظين
16-بث الوقيعه بين القوى السياسية والثورية من خلال محاولات الاستقطاب المستمرة
17-الالتفاف على ارادة الشعب بعد الاستفتاء الذي اجري على عدة مواد ثم اصدار اعلان دستوري يتضمن اكثر من 60 مادة لم يستفتى عليها المصريين.
18-استخدام سياسة قمعيه ضد مظاهرات الاقباط امام ماسبيرو ودهس عشرات المتظاهرين بالمدرعات
19-.ثبوت تورط ضباط الجيش في عمليات كشف البكارة على بعض الفتيات التي تم القبض عليهم وحبسهم في السجون العسكرية وهو ما يخالف كل الاعراف والقوانين
20- فض الاعتصام في اول يوم لرمضان بالقوة و اقتحام مسجد عمر مكرم بالاحزية هو ما يخالف كل الاعراف والقوانين و محاولة الوقيعة بين الحيش و الشعب بقولهم ان المجلس لم يعطي اوامر بفض الاعتصام و ان الجنود قاموا بذلك من تلقاء انفسهم
21- محاولة فض اعتصام التحرير بالقوة يوم 19-11 و القاء اجساد الشهداء في القمامة و اكتر من 1000 شهيد فى احداث محمد محمود و استخدام قنابل محرمة دوليا و التي و حد ان بها نسبة من اليورانيم المخصب                              
22- احداث مجلس الوزراء ..لما البنات اتعرت و اتسحلت و استخدام الرصاص الحى ضد المتظاهرين و المعتصمين
23- عدم التحقيق في تلك الاحداث و عدم الكشف عن المسؤل عنها و اخرها الافراج عن قناص العيون الشناوي و اللى اتصور في اكثر من مقطع فيديو.

و ما خفي كان اعظم
  مكملين ثورتنا للقضاء علي الحكم العسكري الذي استمر اكثر من 60 عاما و لم ينتج عنه الا تدهور حال البلاد و اخد خقوق شهدائنا ,, المجد و القصاص للشهداء

رسالة باللغة العربية الفصحة للمجلس العسكرى

كلمة مختصرة
ثقوا تماماً ان معاملتكم باستخدام الرصاص والقناصين التي اعمت بعض المتظاهرين وافقدت بعضهم احد عينيهم ولو من خلال رجال الشرطة لا يعتبر امر مقبول في العالم كله بل عمل قبيح وفضيع . والاهم من ذلك انكم بمعاملتكم هذه ستجعلون مصر معزولة . فليبيا تحررت من القذافي ولن تساعدكم ولن تعمل علاقات جيدة مع مصر في ظل دولة مصرية غير معتمدة على الديمقراطية الصحيحة والكاملة فهم عرفوا جيدا ماهي الدكتاتورية . وحتى دول خليجية كقطر في طريقها للديمقراطية وسوف تلحقها الكويت عاجلاً ام آجلا ودول عربية اخرى . بل وحتى ايران كثير من المحللين يؤكدون ان نظامها الحالي سوف يسقط لا محالة ويأتي نظام ديمقراطي .

فرض وثيقة بالقوة على الناس وهي التي تسمى وثيقة السلمي دون ان تعرض على الاستفتاء العام والادعاء انها وثيقة استرشادية ثم تلزمون الناس بها لاحقاً كلام لا يمكن ان يقبله اي عاقل وافتآت على الشعب خاصة ان فيها مواد غير منطقية مثل ان من يحدد ميزانية الجيش هو الجيش نفسه من ميزانية الدولة والغاء دور رئيس الدولة والبرلمان .

والكل يعجب كيف تستخدمون نفس طريقة الدكتاتور مبارك في استخدام نظامه للقوة المفرطة و للبلطجية ؟ واستخدام الغازات ضد الاهل والابناء من المواطنين .

ومن البديهي جداً ان اصابة بعضهم في اعينهم من قبل رجال الأمن سبب ردة فعل قوية و طبيعية في نفس الوقت بحرق بعض سيارات الشرطة .
ومن الطبيعي كذلك ان استمرار المحاكمات العسكرية للمدنيين شيء غير منطقي وغير مقبول .

وثقوا ان التعامل مع الناس بطريقة الرفق هو السبيل الوحيد لحل اي مشكلة وليس استخدام القوة والعنف .

هذه كلمة مختصرة ثقوا انكم تتسببون في عزلة مصر .

امتى؟!

وإمتى يا بلدي أشوفك بجد
لا معانده نفسك ولا ظالمة حد

... وإمتى تحن القلوب ع القلوب
يا خَلْق مدارية في صدورها طوب

أشوفك عزيزة أشوفك قوية
أشوفك ب تدِّي لاخويا وليَّا

ومشوفش رشوة ومشوفش خيبة
ومشوفش شايب بيترجَّى عيبَة

أشوف الغلابة بتاكل فراخ
واشوف الحرامي يسِف السباخ

أشوفك صريحة وجيالنا دوغري
ومشوفش عيِّل ينام تحت كوبري

واشوف البنات الذوات في الملاجىء
واشوف الولاد الشداد في الخنادق

أشوفك مصانع بتنتِج رجال
أشوفك مَزارع وفايضه الغلال

أشوفَك بترجع ل عِشَّك يا طير
تعيشي يا بلدي واشوفك ب خير
 

كاذبون و نحن صامدون

عسكر كاذبون حملة هدفها توعية الناس ضد انتهاكات العسكر ..هدفها توعية اللى زيي و زيك و زى مامتك و زى باباك ضد ظلم العسكر للمتظاهرين اللى بيطالبوا بحقوقهم و حريتهم و بالعدالة والكرامة ...مطالب قامت بيها ثورة 25 يناير اللى الكل شكر فيها و قالوا على شهدائنا "الورد اللى فتح فى جناين مصر"و حتى المجلس العسكرى ذات نفسه وعد بتحقيق مطالب الثورة ومر شهر..شهرين ..تلاتة و لا حاجة حصلت لا محاكمة لرؤوس النظام الفاسد و لا مطالب اتحققت
كل اللى كان بيحصل اعتقالات لنشطاء سياسيين و محاولة الالتفاف على مطالب الثورة و احتفال "العسكرى" بثورة 52 هو اعتراف منه بأن ثورة 25 لم تعنى له شيئا ..كأنها لم تجد
ده اللى حملة كاذبون بتحاول توصله للناس..ان العسكر كاذبون مهما حصل ووعودهم "كاذبة"
ده دورهم و الحمدلله نجحوا فيه ..دورك انت كثورجى و مواطن مصرى انك تنزل تشارك و تدعوا ليوم 25 يناير و تنشر فضائيح و انتهاكات العسكر

الشعب ده ازاى بيفكر

الشعب المصرى دايما اهم حاجة مصلحته !!
انا بسمع الجملة دى كتير من الناس اللى فى التحرير و من الناس اللى فى الشارع ..بس الصراحة انا مش شايفة ان اهم حاجة مصلحته لأن لو اهم حاجة مصلحته مكنش وافق على الظلم و الفقر و عدم الامان اللى احنا كنا عايشينه فى ظل نظام مبارك ..اه عدم امان ,عدم امان بمعنى ان الواحد ممكن يدخل كلية محترمة زى كلية طب و يطلع سواق ميكروباص عادى جدا ...مكنش وافق ان المجلس العسكرى يفضل قاعد فى الحكم بعد الست شهور اللى هو قال بنفسه انه هيسلم السلطة بعدها
الشعب المصرى مش بيحب المشاكل ...زى ما احنا شفنا فى الفيديو ده كان كل تفكير الركاب "هى جت على ربع جنية"  !!
الولد اللى قال لأ ..قال لأ عشان مش عايز حد يستغلهم و لا عايز حد يضحك عليهم ربع جنية مش ربع جنية اهم حاجة المبدأ

مصطلحات سياسية

المنظمات الدولية:
بص يا سيدى، المنظمات الدولية نوعين: حكومية وغير حكومية.

المنظمات الدولية الحكومية:
بتبقى بين دولتين او اكتر بغرض تسهيل التعاون بينهم فى مجالات مختلفة ، زى الامن والثقافة والاقتصاد.
ومنها تنظيمات سياسية عالمية زى عصبة الامم وهيئة الامم المتحدة، وبرضه منها تنظيمات سياسية اقليمية زى جامعة الدول العربية، وكمان منها تنظيمات اقتصادية اقليمية زى الاتحاد الاوروبى، وتنظيمات أمنية اقليمية زى حلف شمال الاطلنطى (الناتو)، ومنها اتحادات دولية عامة زى اتحاد البريد الدولى ومنظمة الصحة العالمية.

المنظمات الدولية غير الحكومية:
واعضاءها بيكونوا افراد او جماعات غير رسمية، زى منظمة الصليب الاحمر الدولية. وبيكون هدف المنظمات دى هو تنسيق التعاون بين اعضاءها فى المجالات الاقتصادية والاجتماعية والثقافية والانسانية والتكنولوجية.
ومعظم المنظمات دى بتكون صغيرة، يعنى حوالى عشر موظفين وميزانيتها (مصاريفها) السنوية حوالى مليون دولار للمنظمة الواحدة، وبتبقى دايما عندها مشكلة فى التمويل (الفلوس